我哋覺得 Lost Stars 場地嘅大小啱啱好，加上佢哋嘅裝修同音響都好有心思。咁啱我又係鍾意音樂嘅人，一直都想婚禮有啲音樂氣氛。負責人Krystal介紹場地好細心，燈光、音響、流程、佈置都講解得清清楚楚。印象最深係佢哋完全冇催我哋俾錢，冇嗰種「快啲落訂啦！」嘅壓力，反而會鼓勵我哋先去睇場、試食，覺得啱先再決定🥹。我哋試場睇咗兩次，佢哋都非常配合。相比起好多場地一嚟就話要俾一半訂金，或者成日講好搶手，Lost Stars 真係唔會逼人，令我哋可以好輕鬆咁做決定🥳。

我哋婚禮當日係以 party 形式進行，同埋請咗live band 唱歌。Lost Stars 最吸引嘅位就係每位客人可以喺四道菜入面揀一道主菜，好多賓客都話最開心就係可以揀自己鍾意食咩😚。Lost Stars仲幫我哋整咗 Google Form，等我哋send俾賓客之後，佢哋就可以預先揀好菜式，餐廳再安排好每位客人食咩💕。我啲朋友都好鍾意飲酒，而Lost Stars啲紅白酒大受好評，朋友話連餐具都好靚😆。敬酒嗰陣仲有親戚話Lost Stars好正啊，服務真係一流。 氣氛方面，完全係我哋想要嗰種——有音樂、有 live band、有朋友上台唱歌，大家又影相，成晚好似參加緊音樂會咁，真係玩得好開心，完全 fit 我哋「wedding party」嘅主題💖。

其中一個好難忘嘅位，就係我入場嗰陣，原本攝影師安排熄曬燈，再打spotlight 落我塊面，但我其實唔太鍾意。Krystal 一眼就睇到我個神情唔對路，即刻行過嚟問我係咪唔鍾意，仲主動幫我同攝影師溝通。所以佢真係好貼心，做咗我同攝影師之間嘅橋樑，減輕咗我好多壓力🥹！當日有賓客臨時帶咗個伴侶嚟，Lost Stars就即刻問返對方想食咩，馬上安排，呢啲細節位真係好窩心😍！同埋Lost Stars 嘅地點好方便，近地鐵站，唔怕落雨，搭車、揸車都好 easy。佢哋嘅服務又好，由頭到尾都有定期 follow up，會問下我哋進度、睇下有冇嘢可以幫手🌟。仲有一樣嘢好開心嘅係，Lost Stars知我鍾意飲手工啤，就專登為我準備咗佢哋自家出產嘅手工啤酒。所以話Lost Stars嘅服務真係好貼心🥰！

我第一次喺網上見到Lost Stars 啲相，覺得環境幾啱我哋，有啲 live house 嘅 feel，所以就約咗Lost Stars 傾下細節。因為我哋決定擺酒嘅時間都幾趕，淨返四個月左右，不過佢哋覆得好快，好快就幫我哋 check 到日期，又介紹唔同嘅 package。Lost Stars 啲 staff 好 nice，特別係我哋有好多額外要求，例如老人家鍾意中式啲嘅嘢食，或者有啲特別 request，佢哋都會盡量配合💕。因為我哋怕老人家未必接受到西式風格，我哋特登帶埋雙方父母去試餐，等佢哋自己感受下。其實我父母一開始都堅持搞中式婚宴，但試過 Lost Stars 嘅嘢食同服務之後，都覺得唔一定要咁傳統，佢哋都覺得Lost Stars 服務好周到，整體氣氛又舒服，之後都放心交俾佢哋安排🌟。

婚禮當日我哋仲自己安排咗 live band，同埋自己上台唱歌，朋友都有一齊唱😆。Lost Stars 個場有 stage，好啱做呢啲表演。婚禮當日我哋揀咗 buffet 形式，好多朋友都話嘢食幾好食，之後仲有人問我 Lost Stars 平時可唔可以book位，話想再去食飯。聽到呢啲 feedback，我都好開心😋！當初諗住喺 Lost Stars 搞婚禮都有少少擔心，始終佢哋平時主要搞 live band、mini concert，唔係專做婚禮。但一開始同 Krystal 傾，已經好放心。Lost Stars 搵嘅音響師傅都係專做演唱會同大型 show 嘅，感覺到佢哋好認真對待我哋呢個細wedding。

Krystal真係一個好熱心又主動幫手嘅人，無論我哋改幾多次 floor plan，佢都好耐心幫我哋修改，又俾咗好多實際建議，例如 march in 嘅安排、reception 擺位、backdrop 位置等等， 細節都諗得好周到。 我仲好記得婚禮當日完咗之後，我哋想借個場景影外攝，Krystal 同佢啲同事明明可以休息，但都特登幫我哋手，真係好感動🥹。因為疫情同社交限制，當時搞婚禮嘅變數好多。Krystal 好體諒我哋，唔單止容許我哋喺遲啲先交清尾數，仲事先講清楚如果真係有突發情況會點處理，俾到我哋好大安全感，好似朋友互相信任，呢種信任真係好難得🥰！最開心嘅係，婚禮之後我哋同 Krystal 仲 keep 住聯絡，好似朋友咁。生咗小朋友之後，我哋有時都會去返 Lost Stars 食飯，甚至結婚周年、生日都會去。我希望Lost Stars可以越做越大，俾多啲人識，吸引更多客人，之後再發展多啲地方，擴大版圖💖！